Со соопштение Владата реагира дека во јавноста се пласираат шпекулации и дезинформации во врска со бројот на загинатите од трагедијата во Кочани.
Владата со целосна одговорност потврдува дека бројот на жртви е 59. Сите други тврдења за 100 или 120 загинати се неточни и неосновани. Ваквите лажни информации само ја зголемуваат вознемиреноста во јавноста и нанесуваат дополнителна болка на семејствата на жртвите. Бројките ги утврдуваат официјалните медицински и истражни служби кои работат на терен, информираат од Владата.
Во соопштението се упатува апел до медиумите и граѓаните да не наседнуваат на непроверени информации и да не шират шпекулации.
Ова не е време за манипулации, туку за заедништво, почит и одговорност. Ова се моменти на тага и солидарност, кога сите мора да покажеме одговорност и почит кон жртвите, соопштуваат од Владата.
