Општина Штип започна со асфалтирање на нова сервисна улица во близина на булеварот „Гоце Делчев“. Во рамки на проектот предвидено е да се асфалтира површина од 3.000 метри квадратни, со вкупна вредност од 3 милиони денари, средства обезбедени од општинскиот буџет.
Градоначалникот Иван Јорданов истакна дека улицата се наоѓа во зона со повеќе стопански и деловни објекти кои долго време имале потреба од подобрување на пристапната инфраструктура.
– Улицата е во непосредна близина на СОУ „Коле Нехтенин“, а активностите што ги преземаме ќе придонесат за значително унапредување на постојната инфраструктура и полесен пристап за граѓаните и бизнисите – изјави Јорданов.
