Холивудската актерка Анџелина Џоли не е една од оние познати личности кои организираат големи, раскошни забави на кои присуствува холивудската елита, а ако го прави тоа, успева да го држи во тајност. Наместо тоа, Анџелина претпочита потивок живот, претежно подалеку од очите на јавноста, со фокус на семејството (таа е мајка на шест деца).
Но, дали нејзиниот 50-ти роденден бил поинаков од вообичаеното? Џоли вчера, 4 јуни, наполни 50 години, а се појавија нови информации за тоа како планира да го помине својот голем ден.
„Таа не сака голема забава“, изјави извор претходно за „Пипл“. Наместо тоа, таа сака „поинтимна прослава“, но и покрај тоа, изворот вели дека изгледа „вистински возбудена и среќна за големата бројка“.
„Многу работи во нејзините 40-ти години беа тешки. Сега е на многу подобро место“, рекол изворот. „Децата се неверојатни и напредуваат. Има помалку семејна драма“. Изминатата деценија ѝ донесе на Џоли бројни предизвици, вклучувајќи тежок развод од поранешниот сопруг Бред Пит и битка за старателство над децата.
Друг извор сподели дека Џоли „ја прифаќа идејата да наполни 50 години и се чувствува поприземјено од кога било“. Тие додадоа: „Таа не бега од стареењето, напротив, го прифаќа. Анџелина го гледа стареењето во многу позитивно светло, особено откако рано ја загуби мајка си. Се чувствува смирено, инспирирано и возбудено за она што ја чека.“
Коментарот дека Џоли со нетрпение го очекува својот 50-ти роденден не е изненадување, со оглед на нејзиниот пристап кон стареењето. Таа претходно зборуваше за тоа како е привилегија да се старее и како го прифатила процесот на стареење.
Извор изјави за „Пипл“ во мај дека Џоли гледа позитивно на стареењето откако нејзината мајка, Марселин Бертран, почина во 2007 година по долга борба со ракот на јајчниците. Таа имала 56 години.
„Џоли го цени стареењето затоа што ја загуби мајка си кога беше млада“, рекол изворот.
Анџелина Џоли исто така отворено зборуваше за стареењето, а нејзините зборови се важни бидејќи ја испраќаат вистинската порака.
„Обожавам да стареам. Се чувствувам многу поудобно во моите 40-ти отколку кога бев помлада“, изјави таа за британскиот „Вог“ во март 2021 година. „Можеби затоа што… не знам… можеби затоа што мајка ми не живееше долго, па за мене староста претставува победа, а не тага.“
Џоли продолжила: „Затоа ми се допаѓа тоа. Се радувам на моите 50-ти – чувствувам дека тогаш навистина ќе го пронајдам својот ритам. Но, наредниот ден бевме на трамболината и децата рекоа: „Не, мамо, немој да го правиш тоа. Ќе се повредиш.“ И си помислив: „Боже, не е ли смешно тоа?“ Порано бев акциона ѕвезда, а сега децата ми велат да се симнам од трамболината затоа што ќе се повредам.“
Стареењето влијаеше и на нејзиниот поглед на работите во животот, вклучително и музиката.
„Имам 49 години. Сега навистина се чувствувам како постара жена и го прифаќам тоа“, изјави таа за „ИндиВајр“ во интервју во ноември 2024 година.
