Тимот на „Ултра“ од Штип повторно ја претстави Македонија и својот град во најдобро светло надвор од државните граници. На 2 ноември, македонското знаме се вееше во околината на Крагуевац, Србија, каде штипјани учествуваа на „Шумадија Треил“ – планинска трка долга 22 километри со висинско искачување од 1000 метри.
Во силна конкуренција од повеќе од 60 тркачи од Србија, Босна и Херцеговина, Македонија и Италија, доминираше Кристијан Киров од штипскиот клуб, кој со време од 1 час и 54 минути убедливо го освои првото место, поставувајќи нов рекорд на патеката!
Одличен настап имаа и останатите членови на штипскиот клуб – уште двајца тркачи се пласираа во најдобрите 10, што ја заокружи доминацијата на „Ултра“ во ова издание на трката.
Кај жените, Ангела Величкова блесна со трето место и место на победничкиот подиум.
Покрај главната трка, настанот вклучуваше и пократка рута од 12 километри, на која настапија над 130 тркачи.
Настанот беше одлично организиран од страна на планинарското друштво од Шумадија, а се одржа во прекрасната природа околу селото Дулене.
