Со финалното асфалтирање на преостанатиот дел од улицата, уредување на површините пред станбените згради и обезбедување на паркинг простор, завршена е комплетната реконструкција на улицата Широк Дол во Штип.
Дополнителните интервенции, иако не беа дел од првичниот проект, беа вклучени поради реалната потреба на граѓаните и нивните секојдневни барања. Од општината велат дека токму тие се приоритетот при секоја интервенција на терен.
🔜 Во следниот период започнува нова фаза на работа на улицата Пиринска, каде што веќе беше завршена подземната инфраструктура. Сега следуваат нови градежни зафати со цел финализирање на проектот.
Општинските служби истакнуваат дека продолжуваат да работат посветено, транспарентно и со јасна визија за модерен и поубав Штип.
