Еден од најпознатите јутјубери во светот, Џон Влогс, беше уапсен на Хвар откако тој и неговите пријатели нападнале службено лице.
Тој е обвинет за учество во нарушување на јавниот ред и мир пред клуб, пишува Слободна Далмација.
Информацијата ја потврди неговиот адвокат Денис Кулушиќ:
– Да, можам да потврдам дека мојот клиент е лицето за кое зборувате и дека е уапсен под обвинение за принуда врз службено лице. Тој моментално е во полиција и тоа е сè што можам да ви кажам во моментов – откри тој.
Сè се случило ноќта од недела кон понеделник околу три часот наутро во клуб, во близина на полициската станица. Групата што била со Влогс наводно почнала да предизвикува проблеми во клубот, се соблекувале и кршеле чаши, поради што чуварите ги влечеле до излезот.
Полицијата дошла, а друштвото почнало да се потсмева на нив. Јутјуберот чие вистинско име е Луан Коварик удрил полицаец во око, по што бил приведен со уште тројца пријатели. Тројца полицајци претрпеле полесни повреди, а нивото на алкохол во крвта на јутјуберот било измерено повеќе од еден промил. Другите учесници во инцидентот исто така биле под дејство на алкохол, а највисокото ниво било кај еден со нив на алкохол во крвта од 2,2 промили.
