9.4 C
Shtip
spot_img

Проблем за корисниците на “iPhone”: Се појавуваат апликации што не ги инсталирале

“Apple” ја објави “iOS 18.4” пред само неколку дена, а оваа верзија на нивниот оперативен систем, покрај воведувањето на “Apple Intelligence” во ЕУ, донесе и важни безбедносни ажурирања. Сепак, се појави невообичаен проблем.

Корисниците пријавуваат дека на нивните телефони се појавуваат апликации што не ги инсталирале сами. Како што прв забележа сајтот “MacRumors”, сите пријави се однесуваат на неочекувана појава на несакани апликации.

Во некои случаи, станува збор за апликации што претходно биле инсталирани, но корисникот ги избришал, додека други изгледаат како целосно нови, случајно инсталирани апликации.

„Мојот телефон автоматски почна да ја инсталира играта “Squid Game”, изјавил еден корисник во дискусија на “Reddit”.

„Денес се чувствувам како да користам некој евтин мобилен телефон, каде што по ажурирање на софтверот, случајна апликација се инсталирала без никаква причина“, додал друг.

Повеќето несакани апликации изгледа дека се игри, иако тоа најверојатно е поради големата застапеност на игри на “App Store”.

Еден корисник изјавил дека “Dropbox” бил инсталиран на неговиот “iPhone”, додека друг пријавил дека добил игра и апликација за рецепти “Cooking Mama”.

Во повеќето пријавени случаи, корисниците успеале да ги исклучат вообичаените причини за неочекуваното појавување на апликации. На пример, не изгледа дека тие ги инсталирале на друг уред и дека ја имаат вклучена “iOS” функцијата за автоматска инсталација на апликации.

Корисниците, исто така, тврдат дека нивните уреди не е направен “jailbreak”, ниту пак некогаш користеле продавници за апликации од трети страни.

Изгледа дека проблемот навистина е “баг”, иако засега не може да се утврди колку е раширен. Овој вид на проблем, сепак, најверојатно е поврзан со заднинската база на податоци на “App Store”, отколку со самото ажурирање на “iOS” .

━ повеќе содржини

Што е Studio Ghibli и од каде потекнува виралниот (и контроверзен) тренд со AI анимирани слики?

Сликите генерирани со AI што деновиве ги гледаме насекаде, се инспирирани од филмовите на Хајао Мијазаки – јапонски режисер и основач на филмското студио Ghibli, кој преферира...

Македонски и бугарски фудбалски легенди ќе одиграат хуманитарен натпревар за настраданите во Кочани

Бугарските фудбалски легенди од Светското првенство 1994 година собираат пари за семејствата на настраданите во трагедијата во Кочани. – На 27 април ќе се одржи...

ОК “Штип УГД” со прес конференција пред Ф4 од Купот на ОФМ

https://www.youtube.com/watch?v=CTaBRBWtdws На прес-конференцијата говореа: Кристиан Ристески (тренер), Михајло Мирасчиев (играч) и Горан Стаменков (портпарол). Полуфиналето против ОК Работнички е закажано за денес во 16:00 во Радовиш....

Наскоро: Од САД 33% царини за Македонија!

Триесет и три отсто (33%) ќе изнесуваат новите реципрочни тарифи на САД кон Македонија, односно половина од 65-те отсто царини од Македонија кон САД....

Жан Клод Ван Дам вклучен во трговија со малолетнички?!

Познатиот актер со белгиско потекло Жан Клод Ван Дам стана предмет на истрага во врска со случај на трговија со луѓе, а во мрежата...
spot_img