Веб-страницата DownDetector забележува дека корисниците ширум светот пријавуваат проблеми со популарниот четбот од 9 часот наутро, а прекини во алатката ChatGPT пријавиле и корисниците на платформите X и Reddit, како и тешкотии со алатката Sora, која го претвора текстот во видео.
Четботот одговара на барањата на некои корисници само со порака за грешка „Хмм… се чини дека нешто тргнало наопаку“, додека други можат да пристапат до него, но сметаат дека услугата е бавна и им треба многу подолго време од вообичаеното за да одговорат.
Исто така, постојат луѓе кои можат да го користат четботот без никакви проблеми, па затоа прекините и грешките не се чини дека влијаат на секој корисник, објавува The Verge.
Open AI вели дека „продолжува да го истражува овој проблем“. Не е јасно што ги предизвикува прекините, ниту кога ќе се воспостави редовна услуга.
