Во Котор, Црна Гора, во неделата беше пронајдено изрешетано тело на маж за кој се верува дека е член на криминална група, објавуваат локалните медиуми. Полицијата ја блокираше плажата Трстено, каде што наводно се случило убиството, а според порталот Srpskainfo, на мажот му било пукано преку предното ветробранско стакло.
Според неофицијални извори, убиениот бил високопозициониран член на еден мафијашки клан. Ова е второ убиство во Котор во последниот месец и половина, што укажува на продолжување на обрачуните меѓу црногорските криминални групи.
