Цените на златото и среброто продолжуваат да го рушат рекорд по рекорд, при што златото првпат го надмина нивото од 4.400 долари за унца, а среброто достигна 69,44 долари, највисоко досега. Од почетокот на годината, златото е во пораст од 67%, а среброто импресивни 138%, поттикнато од силната побарувачка и ограничената понуда на пазарот.
Растот на цените е поткрепен од очекувањата за намалување на каматните стапки во САД, геополитичките и трговските тензии, како и континуираното купување од страна на централните банки. Послабиот долар дополнително ја зголемува атрактивноста на металите за меѓународните купувачи.
Мет Симпсон, виш аналитичар во „Стоун икс“, истакна дека декември обично носи позитивни приноси за златото и среброто, но предупреди дека инвеститорите треба да бидат претпазливи бидејќи обемот на тргување може да се намали, а профитот да се зголеми.
Од техничка страна, аналитичарот на Ројтерс, Ванг Тао, смета дека златото може да ги продолжи добивките до 4.427 долари по унца откако го проби клучното ниво на отпор од 4.375 долари.
И другите скапоцени метали бележат силен раст-платината се зголеми за 4,3% на 2.057,15 долари, достигнувајќи највисоко ниво во последните 17 години, додека паладиумот порасна за 4,2% на 1.786,45 долари, највисоко за речиси три години.
Оваа година златото и среброто се на пат да забележат најголем годишен раст од 1979 година, што ги прави скапоцените метали центар на вниманието на инвеститорите ширум светот.
