Започнаа активностите на подземната инфраструктура во викенд населбата Плуждино. Околу 150 викенд куќи ќе бидат поврзани на водоводната линија, со што ќе се реши еден долгогодишен проблем овде. Ова е по барање на жителите од овој дел од градот, додека претходно овде беше завршена првата фаза во делот на предвидената индустрија. Во наредниот период ќе се пристапи и на асфалтирање на неколку краци од улици.
„Повеќе од 150 викенд куќи се опфатени со овој проект. Еден од приоритетите на Локална самоуправа е да обезбеди уредување со подземна инфраструктура со водоводна мрежа. Првата фаза е завршена, завршен е делот на иднустријата која е предвидена во Пуждино.“ – вели Јорданов.
За овој проект од Буџетот на општината се издвоени околу 10 милиони денари, а активностите треба да бидат завршени во рок од еден месец.
„Повеќе од 10 милиони деанри се одвоени, и верувам дека полека но сигурно сѐ она што го имаме ветено по однос на викенд населбата Плуждино ќе стане реалност. Овие зафати и активности да завршат за околу еден месец“ – додава Јорданов.
Со овие активности на терен ќе се завршат предвидени градежни работи во викенд населбата Плуждино, кои претходно се ветени.
