Доаѓа ново време дури и во црквите. До крајот на 2025 година, во 30 цркви низ Италија од студениот Тренто до сончевата Катанија ќе никнат специјални тотеми со POS-уреди, преку кои верниците и туристите ќе можат да даруваат пари со едно допирање на картичка или телефон.
Проектот, симболично наречен „100 тотеми во 100 цркви“, е заедничка мисија на Banco BPM, финтек-компанијата Numia и Италијанската бискупска конференција.
Наместо да барате ситни во џебот, доволно ќе биде еден допир со Mastercard, Visa или мобилен телефон.
Пилот-проектот, започнат уште во ноември 2024 година, веќе ги освои верниците во базиликата „Свети Амвросиј“ во Милано, светите базилики во Асизи и дури еден информативен пункт во Ватикан. По успехот на тестот, се подготвува проширување на системот во уште 30 цркви, со цел до крајот на иницијативата да се достигне бројката од 100 „паметни“ свети места.
Секој тотем ќе има повеќејазичен екран, погоден и за туристи, и ќе биде поставен на лесно достапни локации во храмовите.
Дигиталното дарување нема цел да ја замени касичката за пари, туку да биде модерна алтернатива за оние што не носат готовина.
Овој нов начин на „електронска добрина“ не само што го следи духот на времето, туку и обезбедува поголема транспарентност и безбедност на донациите.
Изгледа дека и црквата влегува во ерата на бесконтактната технологија,а со тоа, дарежливоста станува попаметна, побрза и поблиска до сите нас.
