Луксузната модна куќа Баленсијага повторно ја крена прашината на социјалните мрежи со својот најнов, крајно необичен моден додаток-нараквица која изгледа буквално како парче салотејп, но со цена од неверојатни 1200 долари.
Фотографиите што кружат на интернет предизвикаа вистинска бура од реакции.
Според описите на производот, нараквицата е изработена од висококвалитетни материјали и е дизајнирана да изгледа како обично лепливо тракаче, но во препознатливиот авангарден стил на Баленсијага. Брендот е познат по контроверзни и неконвенционални модни изданија, но овојпат, според коментарите, го надминал и сопствениот имиџ.
Фановите на брендот се поделени-додека некои ја гледаат нараквицата како уметнички израз и модна иронија, поголемиот дел ја доживуваат како преценет предмет без реална вредност. Сепак, како што често се случува со Баленсијага, ваквите необични парчиња неретко стануваат култни и се распродаваат во рекордно време.
Социјалните мрежи се уште „горат“, а јавноста се прашува: дали ова е висока мода или чист маркетиншки провокативен трик?
Дали вие би платиле 1200 долари за „нараквица-селотејп“?
