Членот на втората македонска фудбалска лига, штипска Брегалница игра одлично оваа сезона под водство на Влатко Костов, омилениот фудбалски стратег на штипјани.
После 9 одиграни кола, “плавите” се на првата позиција која директно води во прва лига, а на своето конто имаат 23 бодови и 7 победи и 2 нерешени средби, без пораз. Во саботата, нова победа, штипјани прокнижија во Големо Коњари каде истоимениот клуб го совладаа со 0:2 во една доминантна игра.
И во купот на Македонија, ФК Брегалница минатата седмица одигра одлично против прволигашот Работнички, но во пенал серијата немаше доволно среќа и загуби на пенали.
Во следното 9-то коло, во Штип гостува ФК Детонит Плачковица, екипа со високи амбиции, каде тренер е исто така уште еден штипјанец, долгогодишниот капитен и тренер на Брегалница – Горан Здравков.
