Д-р Јуси Пости, фински неврохирург, изрази сомнење дека Михаел Шумахер би можел да се појави на јавен настан, особено по информации дека бил присутен на свадбата на неговата ќерка. Според Пости, состојбата на Шумахер е таква што не води активен живот и дека, по многу години рехабилитација, веројатно е многу слаб и неподвижен.
Тој нагласи дека пациентите со такви повреди, по две години опоравување, достигнуваат максимално ниво на прогрес и дека за повеќето од нив, во подоцнежната фаза, комуникацијата е ограничена на најблиското семејство. Пости, исто така, спомена дека Шумахер комуницира со очите, што е знак за сериозни ограничувања во неговото здравје. Сето тоа укажува на веројатноста дека не е во состојба да присуствува на значајни настани.
