Во зградата на Вишиот суд во Белград, денес продолжи судењето на Милјана и Владимир Кецмановиќ, родителите на Коста Кецмановиќ, кој на 3 мај минатата година уби девет негови врсници и чувар во основното училиште „Владислав Рибникар“.
Пред судењето беше одлучено Коста да сведочи од говорница во судницата, а не од посебна просторија. „Се чувствував отфрлен од децата и затоа го направив тоа. На 3 мај донесов пиштол со намерта, но не бев сигурен дали ќе пукам,“ изјави Коста Кецмановиќ, според информации на Република.
Двајца јавни обвинители, заедно со главниот јавен обвинител во Вишото јавно обвинителство во Белград, Ненад Стефановиќ, ќе му поставуваат прашања на Коста, кои се инволвирани во случајот од самиот почеток. Мајката на момчето, која е обвинета, пристигна во судот од слобода, додека таткото е донесен од притвор.
Малолетникот денес за првпат е изнесен од установата во која се наоѓа по делото. Во овој случај им се суди на родителите на момчето, Владимир и Милјана Кецмановиќ, како и на инструкторот на стрелиштето Немања Маринковиќ, кој е обвинет за давање лажен исказ.
