20.3 C
Shtip
spot_img

Мицкоски: Историска победа на ВМРО-ДПМНЕ, СДСМ и ДУИ одат во опозиција

Синоќа на само неколку часа по затворање на гласачките кутии, централното седиште на партијата почна да се полни. Покрај бројните домашни и регионални медиуми, дојдоа и раководството и најгласните членови и симпатизери кои во прес салата со песна го дочекаа партискиот претседател Мицкоски.

Македонија не и припаѓа на ниту една партија, криминалот е поразен, сега следува работа без еуфорија и ароганција– изјави Мицкоски, кој е уверен дека во најбрз можен рок ќе биде формирана новата влада. Кажа дека раговарал со лидерите од албанската опозиција, а како иден мандатар остави подотворена врата и за другите партии.

-Овој народ денеска ги порази сите милевци, артановци, алиевци, кои го погазуваа сите овие години и си ја вратија повторно Македонија. Народот покажа дека ничија свеќа не гори до зори и порано или подоцна следува одговорност. Ние имаме намера со сите опозициски партии кои настапија на изборите да разговараме и да видиме што е тоа што би можело да е точка на поврзување.. Тоа не значи дека сите тие би биле дел од идната Влада на коалицијата „Твоја Македонија“ предводена од ВМРО-ДПМНЕ,- Христијан Мицкоски – претседател на ВМРО-ДПМНЕ .

Покрај нова влада, Македонија ќе добие и прва жена претседателка. Гордана Силјановска Давкова со над 560 илјади гласови на нејзиното конто, го сруши рекордот на досега одржаните претседателски избори. На прес конференцијата рече дека е среќна што граѓаните не потклекнале на бојкотот и вети дека во иднина нејзината врата ќе биде отворена за сите.

-Мојата најголема честитка е до граѓаните, искрено си се прашувам со што ја заслужив оваа чест? Јас знам дека се подготвував, се посветив на кампањата и го зборував тоа што го мислам, но наградата е непроценлива за мене. Граѓаните покажаа граѓански имунитет, отпорност на притисоците. Да повикувате на бојкот е партиски политички притисок,- Гордана Силјановска Давкова .

Ден по изборите, од ВМРО-ДПМНЕ велат дека резултатите ја покажале волјата на народот. Да се испратат во опозиција СДСМ и ДУИ, да има одговорност и да се реформираат, изјави потпретседателот на партијата Муцунски.

-ВМРО-ДПМНЕ и коалицијата доби трипати повеќе мандати од СДСМ, или ако сакате повеќе од ДУИ и СДСМ заедно на овие избори, со што народот јасно покажа дека овие две партии треба да завршат во опозиција,- Тимчо Муцунски – потпретседател на ВМРО-ДПМНЕ.

Партискиот врв веќе одржал и состанок на кој ги поставиле контурите за градење на идната коалиција. Отаму соопштија дека во фокусот ќе бидат луѓето, економски силна држава преку реформи за повисок животен стандард, фронт против криминалот и корупцијата, реализација на стратешкиот интерес за евроинтеграции преку дијалог и принципи..

━ повеќе содржини

Штип воведува иновација во управувањето со отпад: Поставување на првите подземни контејнери

Штип, 16.05.2024: Општина Штип започна со поставување на првите подземни контејнери за отпадоци, воведувајќи значајна иновација во системот за управување со отпад во градот....

Прекин на работа во сите сектори на Општина Штип поради реконструкција на електричната мрежа од страна на ЕВН

Штип, 16.05.2024: Денеска, поради вршење на реконструкција на електричната мрежа и проблеми во локалната трафостаница, зградата на Општина Штип и околните реони останаа без...

Екстрадиција на Љупчо Палевски: Првоосомничениот во случајот за убиството на Вања Ѓорчевска и Панче Жежовски денеска пристигнува во Македонија

Љупчо Палевски Палчо, главниот осомничен за убиството на 14-годишната Вања Ѓорчевска и 74-годишниот Панче Жежовски, попладнево треба да пристигне во Македонија. Неговата екстрадиција претставува...

Општина Штип најавува ларвицидна дезинсекција на 17 мај за уништување на ларви на комарци

Штип, 14.05.2024: Општина Штип, во соработка со овластена фирма, ќе спроведе акција на ларвицидна дезинсекција на територијата на општината на 17 мај 2024 година...

Првпат во Македонија: Средните училишта во Штип изведоа симулација на државна матура

Пред 17 години (2007), во Македонија за првпат беше воведена државната матура за учениците од гимназиско и од четиригодишно средно стручно образование. Од воведувањето,...
spot_img