22.7 C
Shtip
spot_img

Голем број на TikTok-ови за менталното здравје содржат дезинформации

Повеќе од половина од најпопуларните видеа за менталното здравје на TikTok содржат дезинформации, според истражувањето на британскиот „Гардијан“.

Експертите ги оценија 100-те најгледани видеа под хаштагот „#mentalhealthtips“, откривајќи дека 52 од нив биле неточни, збунувачки или бескорисни.

Истражувањето откри дека инфлуенсерите често шират дезинформации, нудејќи „брзи решенија“, злоупотребувајќи го терапевтскиот јазик и промовирајќи нереални совети.

На пример, некои видеа сугерираат дека јадењето портокали под туш може да ја намали анксиозноста, додека одредени додатоци се препорачуваат како решение за проблеми со менталното здравје, и покрај недостатокот на докази за нивната ефикасност.

Психијатрите и психолозите, вклучувајќи ги Дејвид Окаита и Ден Поултер, нагласија дека ваквите видеа не само што шират дезинформации, туку и ги тривијализираат сериозните ментални болести.

Полтер додаде дека многу од овие видеа „несоодветно“ ги прикажуваат секојдневните емоции, што може да доведе до конфузија и да создаде лажна слика за сериозноста на менталните болести.

Пратениците исто така загрижени
Британските пратеници, исто така, изразија загриженост за дезинформациите на социјалните медиуми.

Претседателката на технолошкиот комитет, Чи Онвура, истакна дека алгоритмите на TikTok ги засилуваат потенцијално штетните совети за менталното здравје.

Викторија Колинс, либерална демократка, повика на итна регулатива за заштита на јавноста од такви дезинформации.

TikTok одговори на критиките, велејќи дека активно соработува со здравствени експерти, вклучувајќи ја Светската здравствена организација и Националната здравствена служба, за промовирање точни информации и отстранување на штетна содржина.

Платформата додаде дека отстранува 98 проценти од штетните дезинформации пред да бидат пријавени.

Истражувањето и повиците за акција ја истакнуваат потребата од построги закони и прописи за да се обезбеди точноста и безбедноста на информациите споделени на социјалните медиуми.

━ повеќе содржини

Што е тивок мозочен удар и КАКО ДА ГО ПРЕПОЗНАЕТЕ?

Незабележливиот мозочен удар всушност се нарекува минлив исхемичен напад (TIA), а е познат и како „мини-мозочен удар“ или „минлив напад“. Тоа е привремена состојба...

Парамаунт продаден за осум милијарди долари

Американските регулатори ја одобрија продажбата на холивудското студио Парамаунт на продукциската компанија на милијардерот Дејвид Елисон, Скајденс, за осум милијарди долари, приближно една година...

Пензиите линеарно се зголемуваат за 2.000 денари

Собранието на Р. Македонија во рамки на 63. седница со 79 гласа „за“ и ниту еден „против“ и „воздржани“ ги усвои измените на Законот...

Кој е Мурат Шамил Шен, новиот сопственик на ФК Брегалница?

Од неодамна, фудбалскиот клуб Брегалница од Штип има нов сопственик, тоа е турскиот стопанственик Мурат Шамил Шен. За него се знае дека има искуство...

Дневен хороскоп за петок (25/07)

ОВЕН Ќе се почувствувате благодарни што ќе успеете да му помогнете некому во некој голем проблем. Оваа личност може да биде ваш шеф, родител или...
spot_img