Питбул нападна жена во Штип

0

Питбул нападна жена во Штип. Жртва на кучето е 70 годишна штипјанка која со угризни рани во пределот на нозете, заврши на инфективното одделение во Штип.

Питбулот на улица бил пуштен без каиш и заштитна маска. Иако покрај него бил и сопственикот, тој не успеал навреме да реагира и да ја спаси жената од забите на неговиот миленик. Дури и на него, му требале неколку минути за кучето да го одвои од штипјанката.

По интервенцијата во итната медицинска помош и примената вакцина против беснило, жената е пуштена дома.

Присуството на кучиња од раси кои можат да бидат исклучително агресивни  во Штип не е ретка појава. Овдешните жители се категорични дека тие се потенцијална опасност за сите минувачи:

  • Тоа е страшно, а ги има многу. Треба да се ставаат заштитни маски, ама никој не води сметка, велат анкетирани граѓани на Штип.

Последниот напад врз штипјанката е пријавен во полиција. Инаку, казните за шетање на миленици кои се сметаат за опасни, без заштитна маска и каиш се движат од 100-400 евра.

Инаку, од почетокот на годината досега, на Инфективното одделение интервенирале на околу десетина случаи на укасување од куче.

Сподели.


Коментарите се затворени.