Нов скандал го тресе македонското здравство. Полицијата приведе 43 годишен лекар-анестезиолог од гинеколошкото одделение во тетовската болница бидејќи снимал и во живо објавувал видеа на социјалната мрежа Тик-Ток.
Случајот го пријавил директорот на болницата. Обвинителството прибира докази, а анестезиологот експресно е суспендиран од работа. Осуда стигна од Лекарската комора и од министерот за здравство кој беше во болницата.