Градоначалникот на Општина Штип, Иван Јорданов, во телевизиско гостување најави дека, по 20 години, Градот Штип ќе добие јавен градски превоз и првично ќе бидат набавени шест автобуси.
– Во насока на ова, очекувам следниот месец да се распише тендер за набавка на шест нови автобуси и, конечно, да се воспостави јавен градски превоз во Општина Штип. Јавното претпријатие што опстојува досега и функционира, доби дејност на претходната седница на Советот за управување со јавниот градски превоз. Веќе сме во постапка на тендер за шест нови автобуси, кои ќе се сообраќаат на шест линии во осум периоди од денот, кои ќе ги опфаќаат најголемиот дел од населбите во Град Штип. Примарно, за подалечните населби, во време кога имаме зголемени такси-услуги, кога имаме инфлација и кога имаме зголемена цена на нафтата, сметам дека е крајно време во Штип да се воспостави овој јавен градски превоз, кој ќе придонесе и за намалување на сообраќајниот метеж – истакна Јорданов
