Манифестацијата Струмица ОПЕН фестивал блеска во полн сјај! Видео

0

ОПЕН фестивал успешно ги забавува струмичани во своите омилените ноќни часови. Синоќешните настани во Амфитеатарот и покрај езерцето поминаа во знак на пријатни романтични звуци, руско-македонска поезија и афирмација на ликовно творештво. Програмата на петтиот ден започна со изложба на графички листови, промоција на графичка мапа и монографија на Ниче Василев, а публиката уживаше во прекрасните дела на својот сограѓанин, од кои 130 се дел од колекцијата на ОСТЕН. Сите негови дела се евидентирани во дата-база на колекцијата

www.ostencollection.mk .

unnamed

Синоќа се одржа и еден од најпрепознатливите настани за ОПЕН фест – Вечер на поезија. Во прекрасниот амбиент покрај езерцето свое поетско претставување пред струмичката публика имаа Марта Марковска и Олга Панкина. На крајот од вечерта Маркоска е член на Друштвото на писателите на Македонија и досега има објавено неколку авторски книги. Зад себе има два театарски мултимедијални перформанси, а е музички илустратор и нанеколку документарни филмови.  Панкина е писателка и преведувачка од Русија која живее и твори во Македонија.

unnamed (2)

Добитник на наградите : „Гоцева мисла 2014“, „Почесно Рациново признание 2015“ за превод на повеќе од 50 изданија од македонски на руски јазик.

Вечерта заврши со проектот „Акустична романтика“ кој го привлече вниманието на стотици посетители. Гости од сите возрасти безгрижно седеа на тревата крај езерцето и ги потпевнуваа песните заедно со музичарите. За разлика од ланското премиерно претставување на овој проект, годинава на сцената ги видовме во променет состав и тоа Ивана Василева и Виктор Крстев како вокали во придружба на Душко Манушев – тапани, Саше Урдовски и Живко Барбутов – гитари, Иван Ѓоргиев – синтисајзер и Христијан Мучев – бас гитара. Сите музичари се млади струмичани кои втора година се обединуваат исклучиво за програмата фестивалот.

unnamed (1)

Вечерашната програма продолжува со изложба „Будење“, втор меѓународен фестивал „Оро без граници“ со ансамбли од Македонија и Турција, вечер на афоризми и stand up перформанс на Марјан Ѓоргиевски и Никола Тодоровски. Со тоа ќе заврши културно-уметничката и едукативна програма, а викендот настаните се селат на големата сцена на плоштадот.

Сподели.


Коментарите се затворени.