Анализа за невремето феномен кое го погоди Скопје

0

Вчера бевме сведоци на силно невреме во Скопје, во периодот од околу 18 до 21.30 часот. Невремето, следено со поројни врнежи, силен ветер и чести електрични празнења, предизвика поплави во делови од градот, на некои места со катастрофални последици, па и човечки жртви. На прв поглед сосема неочекувано, меѓутоа за ваквата појава постојат повеќе причини кои речиси е невозможно да се спречат, без разлика на било какви интерменции, каде овде неможе да одговори никој одводен систем, бидејки количините вода се претерано многу за краток период.

Пред се, голем интензитет на врнежи за период од близу 4 часа. Според официјалните податоци на УХМР на РМ, наврнаа околу 93 mm (или 93 литри) врнежи на квадратен метар, што е навистина големо количество. Ваков или поголем интензитет на врнежи (од близу 30-40 mm/час) се јавува ретко и се забележани само неколку појави со досегашните мерења, што е речиси до 5 пати поголемо од оние нормални обилни врнежи кои ретко ги имаме. Причините се во регионалните метеоролошки состојби, нагол продор на влажна воздушна маса од запад и состојбата со времето во претходните денови. Поради правецот на движењето на облаците кон Скопска Црна Гора (како средно-висока бариера со 1651 m), најголемо количество врнежи наврнаа токму на јужните падини на оваа планина, односно северниот дел на Скопската Котлина.

Сподели.


Коментарите се затворени.