Паркирани автомобили дури неколку километри под ,,Аеродромот” на патниот правец Кочани – Пониква.
Ова е сликата која ја затекнаа оние кои денес се упатија во туристичкиот центар ,,Пониква”.
Снегот и убавото време викендов ги привлече граѓаните од општините во Истокот, но и од други градови од државата како Скопје, Куманово, Неготино, Велес и Струмица.
Некои од посетителите мораа да пешачат и по неколку километри, а сообраќајот се одвиваше отежнато и со регулирање од страна на полициски службеници.