Дом на млади најавува спектакуларна програма за крај на ШКЛ 2016

0

Ова лето ги изненадуваме Штипјани со настан каков што досега не сме имале можност да проследиме.

За сите оние кои им е преку глава од турски серии,српски шоу програми, Цеца, Аца Лукас, досадно лето и стерилно секојдневие, слободно да дојдат под ЧАДОРОТ во Дом на млади како своевидна културна оаза во Штип и да го проследат СПЕКТАКУЛАРНОТО затворање на Штипско културно лето 2016. Годинава овој традиционален настан го затвораме спектакуларно и тоа со Битолски Камерен оркестар.

Составот брои триесетина докажани музичари, кои го спојуваат своето знаење и искуство, и на задоволство на публиката го претвораат во Рок симфонија.

На концертот ќе ги проследиме вокалистите: Михајло Трајковски – Сак, Жарко Јакимоски и Петар Христов, кои со оркестарот ќе ги изведат добро познатите: Supremacy, Rock You Like a Hurricane, I Want It All, Du Hast, The Show Must Go On, Are You Gonna Go My Way и многу други светски хитови! Дом на млади и Општина Штип Ве канат заеднички да го заокружиме културното лето со тоа што ќе бидете дел од настанот кој се случува за прв пат и никој знае кога ќе се случи нареден пат. Влезниците се по цена од 150 денари и веќе од денес имате можност да ги купите од Дом на млади.

Се гледаме на 27ми Јули!

Сподели.


Коментарите се затворени.