Министерот за надворешни работи Бујар Османи даде свој коментар за клубот во Битола, „Ванчо Михајлов“, па истакна дека според Јотова можеби нема македонци во Бугарија, но Македонија важи за демократска држава во која сите граѓани и сите заедници подеднакво ги уживаат сите права.
Османи изјави дека нема да биде дозволено алиби во оваа земја да се газат човековите права на која било етничка заедница, вклучувајќи ја и бугарската.
Тој нагласи дека отворањето на клубови на бугарска заедница е апсолутно неспорно во Македонија.
„Бугарската заедница има таква можност, слобода и охрабрување да се организира и да ги манифестира своите културни и идентитетски атрибути во било која форма, но не на начин што ги провоцира или го вознемирува останатите граѓани.
Не дозволивме Северна Македонија да биде прикажана во светот како земја што ограничува права на било која етничка заедница. Не е моја должност да се грижам за имиџот на Бугарија кои личности ги чествуваат и дали ги признаваат народите како македонците, имаат тие МНР кое треба пред еврејската и светска заедница да објаснат зошто им се важни некои личнсти“, изјави Османи.