Несреќа во Штип. Камион смачка комбе

0

Несреќа во Штип. Камион смачка комбе на патот Штип – Свети Николе во близина на селото Криви Дол. Четворица кои се наоѓале во возилото, завршиле во болница. Според првичните информации, до несреќата дошло кога камионот почнал да истовара и од засега непознати причини се превртел врз паркираниот пик ап, во кој се наоѓале четвoрицата повредени.

Во критичниот момент, луѓето, кои биле градежни работници, влегле во возилото да ги облечат безбедносните појаси и да почнат со работа. Но, по само неколку минути камионот се превртел и тие завршиле во болница.

Еден од нив се здобил со повреди на нозете и итно е префрлен на ортопедија. Останатите тројца, поминале со полесни повреди и откако биле прегледани на Неврохирургија, се испратени на домашно лекување.

На лице место, увид изврши екипа на штипската полиција, која дополнително треба да утврди како дошло до несреќниот случај, кој за среќа, помина без жртви.

star

Сподели.


Коментарите се затворени.