Посебен сообраќаен режим во Скопје за натпреварот Вардар – Фенербахче

0

Посебен сообраќаен режим најави СВР за вечерашниот натпревар Вардар – Фенербахче што ќе се одигра на националната арена „Филип Втори“ од 20 часот.

Од 14 часот часот ќе биде затворен за сообраќај на дел од улицата „Аминта Трети“, на потегот од крстосницата со „Јордан Хаџиконстантинов – Џинот“ до фудбалскиот стадион. На стадионот ќе се пропуштаат само возила со посебни пропусници.

Попладне ќе се преземаат мерки за расчистување и дислоцирање на затекнатите возила на сообраќајниците и на паркинг-просторите околу стадионот.

Полицијата апелира сите учесници во сообраќајот да ги почитуваат сообраќајните правила и прописи, а доколку дојдат на натпреварот со возила, за паркирање да ги користат околните дозволени паркинг-простори.

Сподели.


Коментарите се затворени.