Според Православниот календар, денеска, (14.01) се слави Свети Василиј Велики, или Стара нова година, затоа што овој ден, всушност е 1-ви јануари според стариот календар. Голем број семејства денес слават слава, а именден слават Василиј, Васил, Васе, Василија, Васа…
Името Василиј потекнува од старогрчкиот збор basileus и значел „крал“.
Свети Василиј Велики е архиепископ Кесариски, кој бил роден во времето на царот Константин.
Обичаи
Во многу краишта се палат остатоците од елката, а на некои места се замесува посебен обреден леб, василица во спомен на свети Василиј Велики. Во Војводина постоел обичај, кој на некои места преживеал и до ден-денес, на раскрсниците да се палат оган, кој освен прочистувачкиот ефект има и улога на зајакнување на сончевата светлина и топлина. Во некои региони на Херцеговина е зачуван обичајот на палење на остатоците од елката.
Новата година треба да се дочека буден, па за време на ова бдение многу девојки погодуваа дали ќе се венчаат таа година и со кого ќе се омажат.
Во некои региони се веруваше дека ќе биде родена година ако на овој ден падне снег или облачно.
Денеска треба да избегнувате кавги за да не се карате цела година.
