Нова сообраќајна несреќа на патот Штип – Радовиш. Двајца без дозвола испратија жена во болница

0

Нова сообраќајна несреќа на патот Штип – Радовиш. Директен судир на две возила,  во болница испрати 45-годишна штипјанка. Кај неа лекарите констатирале сериозни набиеници во пределот на десното рамо и лакт, но по интервенцијата таа е пуштена на домашно лекување.

Жената е директна жртва на несовесност во сообраќајот, зашто и двајцата возачи биле без положен возачки испит. Освен ова, едниот е со одвај наполнети 18 години, што значи без никакво возачко искуство, а другиот со 1,62 промили на алкохол во крвта.

Ова е едно од оштетените возила во втората сообраќајна несреќа за само два дена на истото место. Претходно, овде сообраќајот беше во прекин поради превртено патничко моторно возило кое го попречи движењето на возилата. За среќа , сите патници од автомобилот, се без посериозни последици.

Точните околности под кои е настаната сообраќајката, ќе ги утврдува полицијата, но за овдешните жители, големо влијание има и брзината со која се вози во овој дел:

  • Многу бргу се вози, порано додека имаше повеќе жители во селото и се чуваше стока возеа многу бавно, за да не налетаат на некое стадо, ама сега возат многу бргу, смета жител на с. Лакавица.

Овој дел од патот Штип – Радовиш, е место на голем број сообраќајни незгоди. Токму и поради ова, од полицијата , по којзнае кој пат, апелираат:

  • Апелираме до сите учесници во сообраќајот за внимателно, дисциплинирано, совесно и одговорно учество во сообраќајот, почитување на пропишаната брзина на движење, исклучиво користење безбедносни појаси, некористење на мобилните телефони во тек на управување со возилата, а посебно да не се седнува зад воланот под дејство на алкохол или наркотични средства, изјави Гордана Панајотова, портпарол на СВР – Штип.

Управувањето со моторно возило е чин каде до израз треба да дојдат личната одговорност на секој поединец. За жал, токму тој дел често отсутсвува, а  грешките неретко се плаќаат и со живот.

star

Сподели.


Коментарите се затворени.