„Македонска пошта“ воведе систем за следење пратки од интернет-нарачки

0

„Македонска пошта“ jа реализира најавената новина во своето работење и отсега секој што нарачал нешто од интернет, ќе може да ја следи пратката.

„Сите граѓани што купуваат од странски продавачи пристигнувањето на својата пратка во ‘Македонска пошта’ и реализирањето на доставата веќе може да ги следат преку системот за следење пратки на ‘Македонска пошта’, поставен на веб-страницата www.posta.com.mk“, информира денеска „Македонска пошта“.

Со ова ќе се зголеми сигурноста на овие поштенски пратки и со високо изразена транспарентност ќе ги елиминираме сите сомневања за намерно или ненамерно губење на пратките од интернет-нарачка, стои понатаму во соопштението од „Македонска пошта“.

„Остануваме и понатаму на страната на нашите корисници и ги охрабруваме за сите дилеми или незадоволства да нè контактираат директно или преку доставување онлајн-рекламации на веб-страницата на ‘Македонска пошта’“.

Сподели.


Коментарите се затворени.

Feedback

FLYERb