Авионската бомба ќе се уништи во недела!

0

Авионската бомба која пред речиси еден месец беше пронајдена во Индустриската зона во Штип при изведување на градежни работи за изградба на новиот погон на штипската фабрика „Актива“ сепак ќе се уништува на лице место во недела.

Заменик директорот на Дирекцијата за заштита и спасување Екрем Зендели потврди дела  одлуката е донесена вчера по заеднички состанок на кој присуствувале и стручни лица од АРМ и Министерството за внатрешни работи.

„…Не можам да преземам одговорност за човечки жртви, бидејќи стручните тимови од трите институции укажаа дека не можат да гарантираат за безбедноста на луѓето кои би ја дислоцирале бомбата и би ја транспортирале на место каде што би се уништила…“, изјави Зендели.

Договпрено е уништувањето на бомбата која е тешка 130 килограми, долга над еден метар и во која има 70 килограми експлозив да се изврши со современа метода, при што нема да предизвика штети или поголем потрес. Истата , подразбира согорување, но не и експлодирање на барутот, нешто што во светот одамна са практикува, акај нас треба да се изврши за првпат. Методата ќе се тестира утре на Криволак или Пенуш и доколку се покаже како успешно, ќе се примени и во недела. Во спротивно, ќе се копаат дополнителни, заштитни ровови.

Од Дирекцијата за заштита и спасување  ги известуваат сите жители на Штип, дека во недела,  во периодот од 10.00 до 15.00 часот се забранува движење на граѓаните во близина на фирмата Ван Хол, каде е пронајдена бомбата.

Сподели.


Коментарите се затворени.