Студентите од ФТБЛ учествуваа на Туризмијада 2017 во Црна Гора

0

Во период од 02.05. – 07.05. 2017 год. студентите од Факутетот за туризам и бизнис логистика од Штип, Гевгелија и Скопје успешно се претставија на десеттата по ред Туризмијада, организирана од страна на Факултетот за туризам и хотелиерство во Котор. На Туризмијадата што се одржа во Будва, Црна Гора, учествуваа 700 студенти од 24 факултети за туризам и угостителство од 12 земји. Во склоп на Туризмијадата беше организиран и Меѓународен конгрес за туризам на тема „Идни трендови во туризмот“ со познати гости предавачи од областа на туризмот од различни држави, а нашите студенти се претставија со презентација и учествуваа во натпревар на студија на случај за подобрување на резервацискиот систем на Хотел „Градче“.
56Во делот предвиден за спортски активности, студентите на ФТБЛ учествуваа во натпреварот во влечење со јаже и го освоија третото место за што добија пехар и диплома, како и на натпреварите за кошарка и одбојка. Студентите при оваа посета имаа можност да се запознаат со свои колеги од различни земји, да разменат искуства и да постават основи за понатамошна соработка. Освен учеството на Туризмијадата, тие реализираа теренска настава и организирана посета на туристичката дестинација Будва и стариот град и имаа можност да се забавуваат.
Фотографија на Vlatko Stoimenov.
45Во прилог слушнете ја химната за туризмијадата.
https://www.youtube.com/watch?v=h24Cn20T-_o
cover 1year

Сподели.


Коментарите се затворени.