Свечено пуштен во употреба Паркот на Макфест

0

Свечено е пуштен во употреба Паркот на Макфест. Новото штипско катче на големиот празник Велика Сабота блесна во својот полн сјај. Двата моста со амфитеатарот и фонтаната на средина, која прска вода во ритамот на најубавите евергрини од Макфест, се новиот модерен амбиент на Штип.

Макфест со Скопскиот фестивал се единствените македонски фестивали за поп музика, па како дел од идентитетот на Штип, добива свое обележје.

  • Макфест е значаен фестивал за Штип. Макфест е фестивал кој практично ја спаси македонската забавна музика и заслужува да има еден парк. Овде сите оние кои победуваа на последните 31 издание на фестивалот, ќе имаат свој симбол. своја плочка, каде ќе го пишува нивното име. Фонтаната која ќе блешти секој ден, ќе биде во музиката на победниците на Макфест, и убедени сме дека штипјани ќе уживаат во овој проект, изјави Илчо Захариев, градоначалник на Штип.

17968943_10212626994611137_766779340_o

Според градоначалникот, архитектонски посебно е обратено внимание паркот да има и свој амфитеатар, кој ќе биде простор за многу културни настани и манифестации.

Финансирањето на изградбата е благодарение на Бирото за рамномерен регионален развој.

  • Овој проект е финансиран од Министерството за локална самоуправа и од Општина Штип, преку Бирото за рамномерен регионален развој. Средствата се обезбедени преку ИПР. Изведувач е фирмата Актива, а целата инвестиција е некаде околу 120 илјади евра, пари обезбедени од Бирото за рамномерен развој, но Општината исто така дополнително финансира средства околу целото уредување на овој простор, изјави Илчо Захариев, градоначалник на Штип.17968204_10212626994731140_1469944213_o

Макфест во својот најголем подем беше втор најголем фестивал во поранешна Југославија, после Југовизија, а неговата слава на штипската сцена ги донесе некои од најголемите музички ѕвезди од поранешната држава и Балканот.

17916750_10212626995771166_217148814_o

Сподели.


Коментарите се затворени.