Штипските млади фудбалери станаа ѕвезди во Азербејџан

0

Штипските млади фудбалери, Михаил Маневски и Бојан Миовски заминаа на подготовки со македонската фудбалска репрезентација до 19 години во престолнината на Азербејџан, Баку, каде сите им се восхитуваат на играта.

Штипските надежи уште на стартот беа пофалени од локалните медиуми во Азербејџан, како едни од најдобрите македонски играчи. Високото мислење за штипјани се должи на голот на Миовски во првиот пријателски натпревар против Азербејџан, додека асистенцијата за голот била дело на Маневски.

Квалитетот на Бојан и Михаил го увидел и селекторот Вујадин Станојковиќ, кој Миовски го задржал 75 минути на теренот, а Маневски бил во игра во текот на целиот натпревар.

Михаил Маневски е производ на фудбалската академија Постолов Пандев, додека Бојан Миовски е дел од штипска Брегалница, во која настапува и во сениорската екипа со само 17 години.

Инаку, македонската репрезентација до 19 години останува во Азербејџан до крајот на неделата, до кога треба да одигра уште неколку натпревари.

стар

Сподели.


Коментарите се затворени.