Бојаџиев: И покрај насоките од Регулаторна, водата во Штип нема да поскапи

0

ЈП „Исар” со поставувањето на новите водоводни броила за домаќинствата, со вградено далечинско отчитување, значително ги намали загубите на вода, а граѓаните добија квалитетна услуга.

– Ние ги намаливме загубите на вода. Загубите беа 53-54%, а веќе имаме 46% загуба на вода. Сѐ уште мора да се работи на тоа, мора да ги намалиме овие загуби на вода. Кај граѓаните и претпријатијата проработува свеста да се штеди водата, а не енормно да се троши – рече Ангел Бојаџиев, директор на ЈП Исар.

Бојаџиев нагласува дека во иднина цената на водата нема да се менува.

– ЈП Исар на сите граѓани на Штип им гарантира чиста и здрава вода за пиење. Така ќе биде и во иднина, а водата ќе ја има во доволни количества. Имавме мали проблеми кога температурите беа екстремно ниски, но тоа веќе нема да се случи.

Најодговорно ви тврдам дека ЈП Исар и Општина Штип нема да вршат промена на цената на водата. Цената на водата ќе остане непроменета, без разлика што ќе ја спазиме целата процедура на Регулаторната комисија. Ние инсистираме, а така и ќе биде – цената на водата во Штип ќе остане непроменета – појасни Бојаџиев.

Во наредниот период ЈП Исар ќе инвестира во современи водоводни системи и во руралните средини.

iris

Сподели.


Коментарите се затворени.